नवा शक्तीपीठ महामार्ग: 13 जिल्हे, 856 किमी लांबी – महाराष्ट्रासाठी गेमचेंजर प्रकल्प

 

महाराष्ट्रातील महत्त्वाकांक्षी शक्तीपीठ महामार्ग प्रकल्पाबाबत मोठी अपडेट समोर आली आहे. राज्य सरकारने या महामार्गाची नवीन अलाईनमेंट (route) जाहीर केली असून, यामध्ये अनेक महत्त्वाचे बदल करण्यात आले आहेत. विशेष म्हणजे आता या मार्गामध्ये पश्चिम महाराष्ट्रातील प्रमुख सातारा जिल्ह्याचा समावेश करण्यात आला आहे, ज्यामुळे प्रकल्पाचे महत्त्व आणखी वाढले आहे.

 महामार्गाची नवी रचना आणि लांबी

यापूर्वी मंजूर असलेली सुमारे ८०२ किमी लांबी होती ती आता सुमारे ८५६ किमी करण्यात आली आहे. या महामार्गाचा सुरुवातीचा पॉइंट वर्ध्याजवळील पवनार ऐवजी दिग्रस परिसरात हलवण्यात आला आहे. तसेच, शेवटचा टप्पा पत्रादेवीऐवजी सिंधुदुर्ग जिल्ह्यातील बांदा येथे असेल.

 १३ जिल्हे आणि ४० + तालुके जोडले जाणार

हा महामार्ग एकूण १३ जिल्ह्यांमधून जाणार असून, सुमारे ४० पेक्षा अधिक तालुक्यांना जोडणार आहे. वर्धा, यवतमाळ, बीड आणि लातूर या जिल्ह्यांमध्ये मोठे बदल नाहीत, मात्र नांदेड, हिंगोली, परभणी, धाराशिव, सोलापूर, सांगली, कोल्हापूर, सिंधुदुर्ग आणि सातारा या जिल्ह्यांमधून हा महामार्ग जाणार असून त्या संबंधीचा आराखडा पुढील प्रमाणे दिसत आहे.

 धार्मिक पर्यटनाला चालना

या महामार्गामुळे राज्यातील सुमारे २१ एकवीस प्रमुख धार्मिक स्थळे एकमेकांशी जोडली जाणार आहेत हे या महामार्गाचे वैशिष्टये मानावे लागेल या धार्मिक स्थळांमध्ये माहूर, तुळजापूर आणि कोल्हापूरसारखी प्रसिद्ध शक्तीपीठे समाविष्ट आहेत. त्यामुळे धार्मिक पर्यटनाला मोठी चालना मिळणार असून यासंबंधीत सेवा उद्योग आणि रोजगार क्षमताही वाढण्याची संधी दिसून येते.

 प्रवास वेळेत मोठी बचत

सध्या नागपूर ते गोवा प्रवासासाठी १८ तास लागतात, परंतु या महामार्गामुळे हा प्रवास केवळ ८ तासांमध्ये पूर्ण होणार आहे. साहजिकच यामुळे व्यापार, पर्यटन आणि आर्थिक विकासाला गती मिळणार आहे.

गावांवर कमी परिणाम

या प्रकल्पातील महत्त्वाची बाब म्हणजे हा महामार्ग गावांच्या मधून न जाता त्यांच्या बाजूने नेण्यात आला आहे. त्यामुळे जमीन संपादन आणि स्थलांतराचे प्रमाण कमी राहणार आहे. 

 विदर्भ ते कोकण जोडणारा कॉरिडॉर

हा मार्ग विदर्भ, मराठवाडा आणि पश्चिम महाराष्ट्र जोडत कोकणापर्यंत पोहोचतो. अनेक ठिकाणी सरळ (straight) अलाईनमेंट ठेवण्यात आली असून, काही संवेदनशील भागांमध्ये बदल करण्यात आले आहेत.

 शक्तीपीठ महामार्ग हा महाराष्ट्रासाठी केवळ रस्ता नसून आर्थिक आणि धार्मिक विकासाचा नवा मार्ग ठरणार आहे. सुधारित अलाईनमेंटमुळे अधिक जिल्हे जोडले जातील आणि राज्यातील कनेक्टिव्हिटी मोठ्या प्रमाणात सुधारेल.

 अशाच अपडेट्ससाठी आमच्या ब्लॉगला फॉलो करा.